احلام البنات

طرحت موضوعي هنا لابي اكبر عدد من الخبرات والتجارب

الي يصير اني دااائما احلم اني اقل من كل بنات قرايبي بالحلم مجتمعين ولبس وشعر مرتب وتسريحات وجمال وعاالم ثاني وانا اكون مااقدر اجي معهم وشعري منفوش وهذا الي الاحظه باغلب احلامي شعري يكون مبهذل ومنكوش ومجعد واكون سمرا ومتينه ولبسي لبس مايناسب البنات وبغرفه شبه ظلما
ابي اكون زيهم ومعم ومااقدر غير انهم يطالعوني بنظرات الاستهزاء وانهم احسن مني
واخر حلم كان اليوم وهو الي ذكرته فوق

وقبل كنت احلم اني ابي اجلس مع البنات واكون زيهم بس فيه جني يطاردني مايخليني واتهني بحياتي لدرجه اعرض على الشباب وانا اركض بالشارع احد يتزوجني عشان افتك منه محد يرضى لانه خافوا من ذي البنت الي تعرض الزواج بالشكل ذا طبعا محد يشوفه انا بس ومحد يقدر يفسر تصرفاتي من الي بالحلم لانهم مايدرون

وبعدها بسنيين حلمت انه حابسني غرفه معتمه شوي وكان ضخم كان قوته ضعفت شوي وكان مربط الباب كان مفتوح بس مااقدر اطلع كل ماحاولت يحاول يقوم واحس زي المغناطيس يشدني لورا
والناس برا تلعب وتضحك متجمعه وبرا نووور وانا وحيده عنده

كان عندي فرن بالغرفه حاولت اصلح قطائر صغغيره وقليله حاول يمنعني منها حتى الشي هذا مايهون عليه اسويه وافرح فيه وكل ماحاولت اخلصها احس بقوه زي الشلل تمسكني بصعوووبه احرك وبالقووه خلصتها

طبعا كل ماحاول يمنعني كنت اتعوذ او اسمي وكان يخاف شوي وبعدين لما احاول اكررها القى لساني ربك وفمي كانه انشل ومعاد اقدر

هذي حالتي باختصار

وبالواقع كل بنات جماعتي تقريبا تزوجو الزينه والشينه وحياتي غييييير عني جمعات ووناسه بحياتهم اولادهم حولهم وحياتهم ماشيه


عمري 31 لازواج ولا حتى خاطب لاوظيفه لا جسم الحريم يشوفوني حلوه والرجال ابدا مو حلوه
اي شي او تقدم بحياتي احاول اسويه انجح بالبدايه وشوي وبعدين معاد اقدر اكمله سواء رجيم او دراسه او اي شيييييييي

حياة صرت اتمنى اموت ولااعيشها لابيت لا اهل علاقتنا سيئه وبالذات معي امي عيني حااره علي انا بالذاات وتشيل علي دائما مدري ليه
وحيده بمعنى وحيده لاناس يجونا ولانروح لهم
تاتاه ماسكتني عن اشياء كثيره اهمها قراه القران اتعببب معه
ركود وجمود بحياتي ماعدا عمري الي يركض

ماابي اطول اكثر من كذا
بس ابي اعرف من مر علي زي حالتي او مر بها
انا تعبت وابي اطيب واصير احسن من الكل

علاقتي بربي القى صعوبه بالطاعات وتيسير غير طبيعي للمعاصي بس احاول كثير اجاهد نفسي