تقرعيجة علي هدرتنا الغريبة

سلام عليكم ورحمة الله وبركاته





صحا رمضانكم كل عام ونتوما بخير ان شاء الله







ان شاء الله رمضان تقدرو عليه وتغلبوه هههههههههههههههه







جاتني في راسي ندير موضوع رحت نسقسي في صحبتي في منتدى جوليانا اكييييييييييد







قلتها واش كي راكي معا رمضان باينا راه غالبك قاتلي غير سكتي برك مشي الي راه غالبني







قاتلي لدرجة وصلت بيا حتي كسرت كامل العضام قريب نصف ساعة وانا قاعدا نعاود نقرا في ميساج







وكلمة وحدا مخلاتنيش نرد علي رسالة الي هية كلمة العضااااااااام الله يجيب الخير معا هاذي الكلمة







وقعدت نشاور في راسي ونكسر فيه ونطيح ونوض علي جال هاذي الكلمة وفي اخير قاتلي العضام احن في الشرق









هوا البيض عندنا قلت لعضام درت في بالي لعضام تاع الجاج ولا كاش لحم في دار عندهم ههههههه









وتانيك وحد نهار كنت في عرس وكنا قاعدين كامل نفطرو واذا بي فتاة في مقتبل من عمرها تقول لي







من فضلكي نوليني تلك العضمة ورديت عليها انا لم انتهي من اكل اللحم حتي اعطيك العضمة







واذا بيها تشير الي البيض





يعني اللهجة نتاعنا شابة بزااااااااااف خطرات تكون مفهومة ومخطرات لالالا







وفي اخير كي رديت علي ميساج تاعها زادت حكاتلي وحد القصة قاتلي كنت في الجاميعة ايا سقستها وحدا صحبتها قاتلها واش دارولكم فطور في ريسطو







قاتلها العضام صحبتها قاتلها وعلاه راهم يشوفو فينا كلاب حشاكم هههههههه







نتمني من كل واحد ولا وحدة يقولنا كاش كلمة من ولاية نتاعو غريبة باه مرة جايا متبحرلناش ههههههههههه







تحياتي رانيا الجزائرية

العفو حياتي شكرا كتييير على الرد